Korrekte posisie by die lessenaar

• Sit so na as moontlik aan die lessenaar met ken horisontaal en skouers ontspanne;
• Sit regop en plaas ‘n opgerolde handdoek agter die rug indien nodig;
• Hou bo-arms vertikaal en voorarms horisontaal;
• Hou ‘n 90º grade hoek tussen bo-en onderlyf;
• Plaas voete plat op die vloer
• Moet nie te lank aaneen sit nie, beweeg gereeld rond en doen losmaak-oefeninge.
  

Hoe om nekpyn te vermy

• Hou altyd die nek in ‘n neutrale posisie voor die televisie, agter die stuurwiel of by die lessenaar; 
• Hou die skouers altyd in ‘n ontspanne posisie;
• Slaap op ‘n goeie matras met die regte kussing om die nek in neutrale posisie te hou;
• Moet nooit die telefoon tussen die oor en skouer vasknyp nie.
  

Verkeerd

Korrek

Hoe om rugpyn te vermy

• Doen versterkingsoefeninge vir die maag- en rugspiere;
• Hou altyd die rug reguit en gebruik die bene wanneer swaar gewigte opgetel word; 
• Hou altyd die arms na aan die lyf wanneer swaar gewigte gedra word; 
• Sit regop met die sitplek so ver vorentoe as moontlik in die motor. ‘n Kussing kan agter die rug geplaas word. 
• Slaap verkieslik op die rug met ‘n kussing onder die knieë of tussen die knieë wanneer op die sy gelê word.     
  

Hoe om tempero-mandibulêre (kakebeen) pyn te vermy

• Hou die gesig en nek warm wanneer die slape en kakebene sensitief vir koue raak;
• Hou altyd die kakebeenspiere ontspanne;
• Vermy stres op die kakebeenspiere deur nie pizza, kougom of biltong te eet nie;
• Gebruik ‘n bytplaat indien nodig; 
• Masseer die kakebeenspiere gereeld;
• Gebruik warm pakke indien nodig.
  

Reëls vir oefening

• Doen dit gereeld;
• Begin met ligte oefeninge;
• Enige oefening behoort nie pyn te veroorsaak nie;
• Vermeerde die intensiteit geleidelik;
• Wees gevoelig vir die liggaam se reaksie;
• Pas die RICE-beginsel toe binne die eerste 48 uur na ‘n besering –Rus, Ys, Kompressie en Elevasie.